வெப்ப நாட்டுக்குள்ளே
வயிறு சூடு தேடி அலையுதோ

இத்த வாய்க்கடியில்
செத்த இலை பதுக்கி திரியுதோ

குளிர் நாட்டில் உடல் சூடு ஏற்ற மருந்தாய் கொடுக்கப்பட்டது அந்தக் காலம்

வெயில் நாட்டில் உயிர் போதை ஏற்ற விருந்தாய் பருகப்படுவது இக் கதிகாலம்

குளிருக்கு இதமாய் புகைப்பர் சிலர்

குடியில் நினைவற்று புகைப்பர் சிலர்

கன்னியர் முன் கணிசமாய் குடிப்பர் சிலர்

கடமைக்கிடையில்
களைப்பாற குடிப்பர் சிலர்

காலைக்கடன் கழிக்க குடிப்பர் சிலர்

பாவம் இதனால் இறப்பவரோ குடிக்காத பலர்


புற்றுநோய்க்கு அடிகோலாய் இருக்கும் புகை

இதைப் புரிந்தும் மறக்காமல் குடிப்பவரின் நிலை

அனிச்சையாய் அவன் உயிருக்கு உருவாக்கும் பகை

குடித்திடா குடிமகனுக்கும் சேர்த்து விரிக்குது எமனின் வலை


விதி ஏனோ மாற்றவில்லை

கையில் இருக்கும் இந்த ஆறாம் விரலை

புகையிலை அடக்கிய பூதத்தின் பிள்ளை

இதைப் பருகும் பரதேசியின் மனநிலை

எமனைக் கையகமுற்றுத்
திரிகிறோமெனத் தெரிவதில்லை


உடலுக்குள் உற்சாகம் தரும் இது பேயிலை

உள்ளூர்க் கிழடுகளின் வாயில் இது போயிலை

உடனே வரும் புற்றுநோயோ வாயில


பிரிட்டனில் பின்னாளில் ஓர் சட்டம்

கட்டாயமாய் ஒரு புகைத்தல் வேண்டும் மாணவனுக்கு

இல்லையேல் கொடு பத்து கசையடி அவனுக்கு

நாட்கள் செல்ல புற்றுநோய் பரவுது மக்களுக்கு

வீரியம் புரிந்து மாறவேண்டிய கட்டாயம்
அரசுக்கு

ஆனால் இதை ஏற்கும் பக்குவமில்லை மனதுக்கு

பள்ளிக் குழந்தைகளும் அடிமை இந்த புகை போதைக்கு

இதை குறைக்கும் பொறுப்பின் பாரம் அதிகாரியின் தலைக்கு

சாவெண்ணிக்கையில் வேலைப்பளு சூழ்ந்தது எமனுக்கு

பாவம் இதில் கடினப்படுவதோ சித்திரகுப்தனின் கணக்கு


-ராம்நவ்

நன்றி...

உனக்காக பிரார்த்திக்கிறேன்...