உன்னைக் கண்ட நொடி
என்னை மறந்தேன் - இனி
வாழ்வெலாம் வசந்தமென்று
திரிந்தேன்..!!

பூவாசத்திலும் உன்
வாசம் கண்டேன் - நீ
பதித்த நேசத்தால்..!!

உன்
கோபத்தில் அன்பு கண்டேன்..
மௌனத்திலும் நெருக்கம் கண்டேன்..!!

நீ
மழையில் நனைந்தபோதும்
கண்நீர்த்துளியைக் கண்டுகொள்வேன்..!

கலங்கிய போது
தோள் கொடுத்தேன் - கலங்காதிருக்க
என் உயிரும் கொடுப்பேன்..!!

காதலில் ஊடல்
ஊடலின் உச்சம் - உன்
பிரிவு..!!

என் நிழலைப் பார்க்கவும்
வருந்துகிறேன் - உன்
நிழல் சேராமல்..!!

என்
பார்வைகள் நேரயின - திரும்பினால்
இமைகளும் உன்னைத்
தேடுதே..!!

உன் பிரிவு நிஜமென்று
மூளைக்கு தெரிகிறது - உன்னைச்
சுமந்த - இதயச்சூளைக்குத்
தெரியவில்லை
உணர்வுக்குக் குவியலுக்குத்
தெரியவில்லை
கை விரல்களுக்குத்
தெரியவில்லை - உன்
வியர்வை துடைத்த நகங்களுக்கும்
தெரியவில்லை - நாம்
நெருங்கி நடந்த சாலைகளுக்கும்
தடம் பதித்த பாதங்களுக்கும்
தெரியவில்லை..

தெரியாமலே துவண்டுவிடும் - நிஜம்
புரியாமலே மாண்டுவிடும்
இறுதிவரை நீ இருக்கிறாய்
என்று நம்பி..!!

வாழ்க்கை ஒரு வட்டமென்றால்
யுகங்கள் தோறும் காத்திருப்பேன்
உன்னை சந்தித்த அந்த நொடிக்காக....!!