மாலைப் பொழுதில்

கருமேகங்களின் ஏவுகணையிலிருந்து 

தப்பிக்க - நுழைந்தேன் 

தேநீர் விடுதிக்குள் - முதன்முதலில்

கண்டேன் அவனை..!

                                  இருவிரல் இடையிலோர்

                                  வெள்ளைக் கோல் - அதன்

                                  வெளிப்புறம் சிறு 

                                  கதிரவன் போல் - நெருப்புக்

                                  கங்கு புகை மண்டலத்துடன்..!

ராமன் வளைத்த வில்

உடயாதிருந்தால் - திருந்தச்

செய்த இரு  புருவம்...

நீள் வட்ட முக உருவம்..!!

                                 இரு கயல் முத்தமிடுவது 

                                 பொறுக்காமல் தடுத்த - மலைமுடிவு

                                 மூக்கு..

                                 இரு கயலாய் விழிகள்..!!

தேனமுது சுவைத்த போதும்

தேர்ந்த மது குடித்தபோதும்

சுகமில்லை...

தேநீர் குடித்து - புகை 

இழுக்கும் அவன் 

செவ்விதழ் காணும் வரை..!

                                மூவிரல் ஓடும் முன்நெற்றியின் மேல்

                                கருநாணலாய் விளைந்திருக்கும் 

                                மயிர்க்காடு - அவை

                                காற்றடிக்கும் திசயிலாடும்

                                நர்த்தன நங்கைகள்..!

மலைப்ப்ரதேச வளைவுச்சாலையா..?

மலையில் தோன்றும் சுனை வாயிலா..?

இன்றுவரை புரியவில்லை - அவன்

செவியழகு இன்னதென்று..!!

                              மழை முடிவில் மரக்கிளையி

                              லாடும் நீர்முத்துக்களைப்போல் - வெள்ளி

                              கொலுசில் காணும் சீர் முத்துக்களைப்போல்

                              வெண்பற்கள் - அவை

                              வைரம் கொண்டு அழகாய் அறுத்த

                              வைரக்கற்கள்..!!

அகன்ற மார்பின் - இரு

தோளில் தொங்கும் கரங்கள்

தொங்கும் தோட்டங்கள்..!!

                           நதி கடலிடை கலப்பதுபோல்

                          குறுகி விரிந்த இடை..

                          அலையெனப் பிரிந்தோடும் 

                          இரு கடல் - கால்கள்..!

                          தேசிய வரைபடத்தை 

                          தலைகீழாய்க் கண்டதுபோல்

                          உணர்ந்தேன் - அவன்

                          இருகால் அழகை..!!

சிலமுறை உலுக்கி - என்

கையில் திணித்தான்

தேநீர் கோப்பையை

"சார் டீ.." - என்று

பலமுறை அலறிய 

கடைப் பையன்..!!

                        அங்கு தொலைத்தேன் 

                        முதன் முதலில் - என்

                        அடையாளத்தை...!!