அன்புள்ள விஜய்

உங்கள் வலைத்தளத்தில் வந்த கதைகளை வாசித்தேன். நல்ல முயற்சி. நாம் அதிகம் கவனிக்காத, பேசாத ஓர் உலகத்தை இயல்பாக எழுத முயற்சி செய்திருக்கிறீர்கள். இன்றையநிலையில் அந்த முயர்சிக்காகவே கவனிக்கத்தக்கது உங்கள் தளம்.

ஆனால் இத்தகைய கதைகளின் இலக்கியமதிப்பு வேறுசில அழகியல்கூறுகளாலும் தீர்மானிக்கபப்டும். இவை சற்று மாறுபட்ட உலகைச்சார்ந்தவை என்பதனாலேயே இயல்புவாத அழகியலே இவற்றுக்குச் சரிப்படும். அதாவது மிக்க்க்கறாராக, எது நிகழ்கிறதோ அதைமட்டுமே சொல்லும் முறை. குறைவாகச் சொல்லும் முறை.

நேர் எதிரானது வணிக எழுத்தின் உணர்ச்சிகர நடை அல்லது தேய்வழக்குகள் மிக்க நடை. அதை கதைகளில் தவிர்ப்பது கதைகளின் சமநிலையைப்பேண உதவும். நல்ல உரைநடையில் தேய்வழக்குகள் இல்லாமல் எழுதும்போதே இவ்வகை எழுத்தின் இலக்கியத்தரம் உறுதியாகிறது. தொடர்ந்து எழுதுங்கள். இவ்வகை எழுத்துக்கள் வழியாக நம்முடைய சமூகப்பார்வை இன்னும் விரிவடையவும் நமது நீதியுணர்ச்சி இன்னும் மேம்படவும் வழிதிறக்கட்டும்

வாழ்த்துகள்

ஜெ

(நண்பர்களே, இந்த "ஜெ" யார் தெரிகிறதா?... தமிழ் இலக்கிய உலகின் மிக உயர்ந்த இடத்தில் இருக்கும் எழுத்தாளர் ஜெயமோகன் அவர்கள்...... நம் எழுத்துகளுக்கு உரிய அங்கீகாரம் கிடைக்கும் நாள் வெகு தூரமில்லை என்று என்னை இன்னும் அதிகமாக நம்பவைத்த இந்த மின்னஞ்சலை எனக்கு நேற்று அவர் அனுப்பி இருக்கிறார்.... ரொம்ப சந்தோஷமா இருக்கு.... நான் கத்துக்க வேண்டிய விஷயம் இன்னும் எவ்வளவோ இருக்கு.... இனி எழுத்தாளர் அவர்கள் சொன்னபடி "இயல்புவாத அழகியல்" படைப்புகளை தேடி படிக்கணும்.... )