காத்திருக்கிறேன்
அந்த கவிதைகளை காண...!

என்ன தாண்டா நடக்குது ...

என்னதாண்டா நடக்குதிந்த இன்பத்தமிழ் நாட்டுல எழுதக்கூட கூசுதுடா வெக்க கேட்ட ஏட்டுல ...

படிக்க போற பள்ளிக்கூடம் தனியாரா போச்சுது
போதை பாட்டில் பொரிகடல கவர்மெண்டே விக்குது

கோடி ரூவா ரோடெல்லாம் ஒத்த மழைக்கு மெதக்குது
கொடிகம்பம் மட்டுமிங்கே புயல தாண்டி நிக்குது

சாதிமதம் கொடுமையின்னு மேடையேறி பேசுது
சாதிக்கொரு சங்கம் வச்சு கலவரத்த மூட்டுது ...

மூணு போகம் வெளஞ்ச மண்ணு மலடாக நிக்குது
மரத்தஎல்லாம் வெட்டிபுட்டு மழைய பாத்து ஏங்குது

எம்ஜிஆரு காதலிச்சா காசக்குடுத்து ரசிக்குது
இவன் புள்ள காதலிச்சா மானம் போச்சுன்னு குதிக்குது

ஆங்கிலம் தான் அறிவுன்னு ஊரு சனம் நம்புது
அம்மாவ மம்மி னா புல்லரிச்சு போகுது

ரஜினி காந்து பொறந்தநாள கூத்தடிச்சு பேசுது
பாரதிக்கும் பொறந்த நாலு அன்னைக்குத்தான் மறக்குது

மோடிவித்த காட்டுனாலும் ஓடி வந்து பாக்குது
சக மனுஷன் ரோட்டில் கிடந்தா சீண்ட பயந்து ஓடுது

இன்டர்நெட்டு ஈமெயிலு நடப்பு வட்டம் பறக்குது
அடுத்த வீட்டில் யாரிருக்கா,கேள்வி கேட்டா முழிக்குது

சொந்த பந்தம் பேசிபழக நேரமெல்லாம் இங்கில்ல
நமீதாக்கா மச்சான் ன்னா நெரஞ்சுருச்சு வீட்டுல ...