எட்டடிக்குள் நோகும் என்
மென்பாதங்கள்...
தூரம் ஒரு பொருட்டல்ல - என்னோடு
நடப்பது நீயென்றால்...

உரையவைக்கும் பனித்துளியை
என் கால்கள் பொறுக்காது...
பனிப்பாறையும் ஒரு பொருட்டல்ல - அதன்
முடிவிலிருப்பது நீயென்றால்..

எரிதனலை தாங்காது
என் பாதங்கள்...
எரிமலையும் ஒரு பொருட்டல்ல - அதன்
முடிவிலிருப்பது நீயென்றால்..

முள் தைக்கும் வலி பொறுக்காது
என் கால்கள்...
முள்ளும் ஒரு பொருட்டல்ல - அதன்மீது
என் நடனத்தை நீ விரும்பினால்...

ஆனாலும் - நீ
காதலை சொல்வதில்
கோழையாய் இருதால் - அதை
காலில் போட்டு
மிதிக்கவே துடிக்கிறேன்...!!