என்றைக்கு ரெட்டக்கோபுரம் இடிஞ்சு அதிரிபுதிரி ஆகிப் போச்சோ அன்னைக்கிருந்து கெடுபிடி அதிகமாகிப்போச்சு அமெரிக்காவுல. எதனையும் சோதனை போடாம அனுப்புறதில்ல அதிகாரிக.


பட்டிமன்றப் பேச்சாளர் ஒருத்தரு போய் எறங்கியிருக்காரு அமெரிக்காவுல.


ஏதோ நம்மால முடிஞ்சதுன்னு இனிப்பு வாங்கிட்டு போயிருக்காரு தெரிஞ்சவுகளுக்கு.


"இது என்னா"ன்னு கேட்டிருக்காரு தொறந்து பார்த்த அதிகாரி.


'இனிப்பு'ன்னு சொல்லிருக்காரு இவரு.


"தின்னு காமி"ன்னு சொல்லிட்டாரு அதிகாரி.


ஒண்ணு எடுத்து தின்னு காமிச்சிருக்காரு நம்மாளு.


'எல்லாத்தையும் தின்னு காமி'ன்னு சொல்லிட்டு நாற்காலிய இழுத்துப் போட்டு ஒக்காந்துட்டாரு அதிகாரி.


என்னென்னமோ சொல்லிப் பாத்திருக்காரு; ஒண்ணும் நடக்கல. திருவள்ளுவரு- கம்பரு- சேக்கிழாரு எல்லாரும் ஒண்ணுசொன்னாப்பல கை விட்டுட்டாக.
தின்னே ஆகணும்; சக்கர வியாதிக்காரர் வேற; தின்னுக்கிட்டே அழுதிருக்காரு பாவம்.


"இனிப்புத் தின்னுக்கிட்டே ஏன் அழுகிற மேன்"னு ஒரு சத்தம் விட்ருக்காரு அதிகாரி.


"நான் இதுக்காக அழுகலீங்க; மூத்தகுடியா மகளுக்கு மொளகாப்புடி கையில புடிச்சு வரிசையில வர்ற எங்க நடுவர நெனச்சுதாங்க அழுகிறேன்."

சீனித் தண்ணியா ஒழுகுது கண்ணீரு.


-வைரமுத்து

நன்றி...

உனக்காக பிரார்த்திக்கிறேன்...