நிச்சயித்த மணம் முடிந்து
ஆறு மாதத்தில்
அயல்நாட்டை அடைந்தேன்..!

அயராது உழைத்தேன்
அன்னமில்லாமல் - என்
அன்னமும் இல்லாமல்..!!

அவளுடன் - உறவாடிய
 கதைபேசி -உரையாட ஓர்
அலைபேசி..!!

மின்வேலிகள் தாண்டி
மினஞ்சலில் ஓர் சேதி - என்
உறவுக்கு கிடைத்த - பரிசொன்று
வளர்கிறதென்று..!!

ஈராண்டு ஒப்பந்தத்தில்
இமைப்பொழுதும் ஓய்வில்லை
நினைவுகளோ இங்கில்லை..

பெண்பிள்ளையின் புன்சிரிப்பும்
ரசிக்கவில்லை - என்னவள்
பிரசவ வலிக் கண்ணீரும்
துடைக்கவில்லை..

மகள் முதலடி மண்ணும்
காணவில்லை - மழலைமொழியும்
கேளவில்லை..

ஈராண்டும் முடிந்தது - நாளை
திரும்புகிறேன் தாயகம்..!!

கூடையில் - சேமித்த
பொருளோடும் - ஆசையாய்
பெற்ற பொம்மைகளோடும்
வீட்டில் நுழைந்தபோது
அருகில் வந்த என் மகள்
அலறிக்கொண்டு ஓடினாள் - அடுக்களைக்குள்
"அம்மா யாரோ வந்திருக்காங்க.."
 - உறைந்து போனேன் நான்..!!

இனி,
உழுதுண்டு வாழ்வேன் - அயல்நாட்டை
தொழுதுண்டு வாழேன்..!!