உன்
இரு சிறகை விரிக்க..
என்
மனச் சிறகை விரித்தேன் -
உன்னோடே பறக்க..!

****

பூவில் கலந்த
உன் உலகத்துள் அடக்கம்
என் உலகம்..!!

****

பூக்காடும் சாக்காடாகும்
உன் மறைவில்..

****

கைப்பிடியில் சிக்கிடும்
வானவில்
நீ..!

****

என் தோட்டம் முழுவதும்
வண்ண மலர்கள்..
வாடுவதோ - உன்னை
நாடி..!

****

தோட்டத்தில்
மலரோடு மலராகி - நானும்
தேடுகிறேன் உன்னை..!!

****

காற்றையும் அலையாக்குகிறாய்..!
உன்னைப் பிடிக்க
காற்றிலும் மிதந்து - தொடர்கிறேன்
நான்..!

****

கண்ணை ரசிப்பவன்
உன்னை ரசித்திருப்பான்..
நீ
சிறகடிப்பதைக் காணமுடியாதவன்தான்
கண்ணை ரசிக்கிறான்
உன்னை எண்ணி...!!

****

மலர்களுக்கு நடுவே நான்..
என் மீதும்
ஒரு நொடி அமர மாட்டாயா..??

****