திரு ரோதீஸ் அவர்களுக்காக.

அன்புடை நண்பரே....... 

                                         நமது மூவேந்தர் வரலாற்றை குறை கூற எனக்கு உரிமையோ, தகுதியோ ஏதும் இல்லை......

அதே போல நாயக்க மன்னர்களை புகழும் நோக்கமும் எனக்கு இல்லை. 

நமது வரலாற்றை விமர்சிக்கவும் எனக்கு தகுதி இல்லை.

நான் கூறியது பொன்னியின் செல்வன் என்ற நூலையும் சந்திரவதனா என்ற நூலையும் பற்றித்தான்...... 

எப்படி பொன்னியின் செல்வனை படிக்கும் போது ஒரு திரை படம் பார்க்கும் உணர்வை தருகிறதோ....... எப்படி அந்த

கதை மாந்தர்களை இன்றைய நடிகர்களின் சாயலை கொடுத்து கற்பனை செய்து மகிழ்கிறோமோ அதே போல நான்

கூறிய சந்திரவதனா நாவலை படிக்கும் பொழுதும் உருவாகும். இரண்டு நூல்களுமே சிறந்த நூல்கள் தான். நான்

பொன்னியின் செல்வனை விமர்சிக்க வில்லை. பொன்னியின் செல்வனின் மீது பெரும்பான்மை படிப்பாளிகள்

கொண்டுள்ள மோகத்தால் சந்திராவதனா போன்ற இலக்கிய படைப்புகளும் கவனிக்க படாமல் போகிறது என்று தான்

கூறி உள்ளேன்.

     மேலும் தாங்கள் கூறியது போல சந்திரவதனா நாயக்கர்களின் ஆட்சி முறைகளை பற்றி விவரிக்கும் நூலல்ல.

      மதுரையை ஆட்சி செய்த நாயக்க மன்னர் குடும்பத்திற்கும், தஞ்சை நாயக்க மன்னர் குடும்பத்திற்கும் பரம்பரை பகை

இருக்கும் வேலையில் திருமலை நாயக்கரின் பேரனான சொக்கநாத நாயக்கன் எனும் மன்னனும் தஞ்சை நாயக்க வம்ச

இளவரசியான சந்தரவதனா விற்கும் இடையில் இருந்த காதல் வெற்றி பெற்றதா தோல்வி அடைந்ததா.......

என்பதுதான் கதை. இதில் திருமலை நாயக்கர் மஹால் கட்டப்பட்ட விதம், சீனபயணி யுவன்க்சுவாங், தஞ்சை அருகில்

இருக்கும் அய்யன்பேட்டை, கோவிந்தபுரம்.கோவிந்தங்குடி என்ற ஊர்களை பற்றிய குறிப்பும், கும்பகோணமத்தில்  

உள்ள யாகசாலை வீதி என்ற வீதியை பற்றியும், மகாமக குளத்தை பற்றியும் குறிப்புகள் உள்ளன.

இந்த கதையில் நமது சோழமன்னர்களான முதலாம் ராசராசசோழனை பற்றியும்  முதலாம் ராஜேந்திரசோழனை

பற்றியும் அவர்கள் கட்டிய பெருவுடையார் ஆலயம், கங்கை கொண்ட சோழீஸ்வரர் ஆலயத்தை பற்றியும் நமக்கே

தெரியாத வியத்தகு தகவலுடன் ஆசிரியர் போற்றி எழுதியுள்ளார் என்பதை இங்கு நான் சுட்டிக்காட்ட விரும்புகிறேன்.

        அதோடு மட்டுமல்லால் நான்கு வேதங்களை பற்றிய எளிய குறிப்புகளும், அறுபத்தி நான்கு கலைகள் பற்றியும்,

அட்டமா சித்திகள் பற்றியும் மிக மிக தெளிவாக விவரிக்கப்பட்டுள்ளது. அதுமட்டுமல்லாமல் தஞ்சை நாயக்க

மன்னனான விஜயராகவ நாயக்கன் தனது ஆட்சி காலத்தில் செய்த முட்டாள் தனமாக  செய்த யாகங்கள், சடங்குகளை

பற்றியும் ஆதாரத்துடன் ஆசிரியர் விவரித்திருப்பார். தாங்கள் கருதுவது போல நாயக்கர்களை போற்றும் நோக்கத்தில்

நூல் எழுதபட்டிருந்தால் மேற்கண்ட தகவலைகளை குறிப்பிடும் நோக்கம் ஆசிரியருக்கு  இருந்திருக்காது.

        கடைசியாக ஒன்று கூறி கொள்ள விரும்புகிறேன். நமது தமிழகத்தை சங்க காலம் தொட்டு ஆங்கிலேய ஆட்சி வரை

எத்தனையோ மன்னர்கள் ஆட்சி புரிந்துள்ளனர் ஒவ்வொரு காலகட்டத்திலும் ஆட்சி செய்த வம்சமோ, அல்லது அந்த

குடும்பமோ வீழ்ச்சி அடைந்திருக்கிறதே தவிர தமிழர்களான நாம் என்றுமே வீழ்ச்சி அடைந்ததில்லை. மேலும்

சோழர்கள் ஆட்சி செய்த பொழுது சோழ தேசத்தில் உள்ள அனைவரும் சோழர்கள் இல்லை என்பதும், பாண்டியர்கள்

ஆட்சி செய்த பொழுது பாண்டிய தேசத்தில் உள்ள மக்கள் அனைவருமே பாண்டியர்கள் அல்ல என்பதும், நாயக்கர்கள்

ஆட்சி புரிந்த  பொழுது அப்பொழுது இருந்த மக்கள் அனைவரும் நாயக்கர்கள் இல்லை என்பதும் பலர் அறியாத

உண்மை. அந்த அந்த குடும்பத்தை சேர்ந்தவர்கள் மட்டுமே, சோழர்,சேரர், பாண்டியர், முத்தரையர், நாயக்கர்

எனபட்டனர். குடிமக்கள் என்றுமே தமிழர்களாகத்தான் இருந்தனர் அதனால் தான் சொல்கிறேன் யாருடைய வளர்ச்சியும்

தமிழர்களின் வீழ்ச்சி ஆகாது.  அனைத்து மன்னர்களின் காலத்திலும் மனுதர்ம சாஸ்திரத்தின் வருணாசிரம முறை படி

தீண்டாசேரிகள் இருந்தது, அங்குள்ள மக்கள் அடிமை படுத்த பட்டது எல்லாம் வெளிவராத உண்மைகள். நமது

இராசராச சோழரின் ஆட்சி காலத்தில் கூட தாழ்த்த பட்ட மக்கள் வசிக்கும் இடத்தில் பெய்யும் மழை நீர் நகருக்குள்

வரக்கூடாது என்று தாழ்வான பகுதிகளில் தீண்டாசேரிகள் அமைக்க பட்டன என்பது கல்வெட்டுகள் கூறும் மறுக்க

முடியாத உண்மை. எனவே அனைத்து காலங்களிலும் மன்னர்கள் மன்னர்கள்தான், மக்கள் மக்கள்தான், தமிழர் தமிழர்தான்.

    எனவே நண்பரே மன்னர்களின் வரலாற்றை வரலாறாகவே பார்ப்போம்......... சரித்திர நாவல்களை கற்பனை கலந்த

உண்மை கதைகளாக மட்டுமே பார்ப்போம் இரண்டையம் கலந்து குழப்பினோம் என்றால் இப்படித்தான் என் போன்ற

அறிவிலிகள் எல்லாம் தங்களை போன்ற எழுத்துலகில் அனுபவம் மிகுந்தவர்களுடன் விவாதிக்க கூடிய சூழல்

உருவாகி விடும். தாங்கள் கூறியதிலிருந்து சந்திராவதனா வை படிக்காமல் தாங்கள் எழுதியுள்ளீர் என்று கருதுகிறேன்.

தயவு செய்து உங்கள் அன்பு நண்பன் எனக்காக அந்த நூலையும் படித்து விடுங்கள். தவறாக எழுதியிருந்தால்

பொறுத்தருள்க............

                                                              --என்றும் நட்புடன் தங்கள் நல்லாதரவை நாடும் ராஜ்குட்டி காதலன்.

கருத்துகளுக்கு நன்றி குருஜி

                                        தாங்களும் எனது கருத்துக்களை தவறாக புரிந்து கொண்டுள்ளதாக கருதுகிறேன்......!! நான் மீண்டும்

மீண்டும் சொல்கிறேன்!!! பொன்னியின் செல்வனை விட எந்த விதத்திலும் சந்திரவதனா உயர்ந்தது என்று நான் கூறவில்லையே....

பொன்னியின் செல்வன் என்ற காவியத்தின் மீது படிப்பாளிகள் கொண்டுள்ள மோகத்தால் மற்ற சரித்திர படைப்புகள் கவனிக்க

படாமல் போகின்றன என்றுதான் கூறியுள்ளேன்.

        சந்திரவதனா வில் விவரிக்கப்பட்டுள்ள குறிப்புகளை நான் எடுத்துரைத்தற்கு காரணம் ,திரு ரோதிஸ் அவர்கள் 'சந்திரவதனா

நாயக்கர் ஆட்சி முறையை கூறும் நூல்' என்று கூறியதால்தான் பொன்னியின் செல்வனில் மேற்குறிபிட்டது போன்ற கருத்துக்கள்

இல்லை என்பதற்காக இல்லை.

            மேலும் ஒரு சிறந்த படைப்பை நாம் படிக்கும் போதோ அல்லது பார்க்கும் போதோ அதனுடைய தாக்கம் எல்லோருக்கும்

குறைந்த பட்சம் ஒருவார காலமாவது இருக்கும். அதே தாக்கம் பொன்னியின் செல்வனை படிக்கும் பொழுது எனக்கும் இருந்தது.

முற்பிறவி  என்று ஒன்று இருந்திருந்தால் சோழ படைகளில் ஒரு வீரனாகவாவது  நாம் இருந்திருப்போமா!! என்ற அளவில் கூட

நான் சிந்தித்திருக்கிறேன் இது என்னளவில் பொன்னியின் செல்வனால் ஏற்பட்ட தாக்கம். 

          அதே போல கன்னத்தில் முத்தமிட்டால் திரைப்படத்தில் கதையம்சமும், திரைக்கதையும், இன்னபிறவைகளும் சிறப்பாக

இருந்தது. ஆனால் இராவணன், ஒரு மாபெரும் காவியத்தை ஒருவரியாக எடுத்துகொண்டு மிகவும் சிறப்பாக படைத்திருக்க

வேண்டிய படைப்பு. அதில்  இயக்குனரின் சரியான திரைக்கதை அமைப்பு இல்லாமல் போனதால் தங்களுக்கு தாக்கத்தை

ஏற்படுத்தாமல் போயிருக்கலாம். மகாபாரத்ததை தளபதியில் கொடுத்ததை போல ராமாயணத்தை இராவணனில் இயக்குனர் தர

வில்லை என்பது எனது தாழ்மையான கருத்து.

    படைப்பில் ஏதோ பிழையிருக்கும் திரைப்படத்தை, மிகுந்த கரும சிரத்தையுடன் கேள்விகள் எழாவண்ணம் எழுதப்பட்ட நூலுக்கு

அந்த நூலை படிக்காமல் தாங்கள்  உதாரணம் காட்டுவது மிகவும் வியக்கத்தக்க வகையில் இருகிறது.  

பொன்னியின் செல்வன், சந்திரவதனா இரண்டையுமே நான் வாசித்திருக்கிறேன் இரண்டுமே எந்த விதத்திலும் சளைத்தவை அல்ல.

ஆனால் 

##" சொற்சுவை, பொருட்சுவை போன்ற விஷயங்களில் சந்திரவதனா நாவல் "பொன்னியின் செல்வனை"விட சிறப்பாக

இருந்தாலும் கூட, பொன்னியின் செல்வன் அளவுக்கு அது தாக்கத்தை ஏற்படுத்தி இருக்காது....."##

    என்ற தங்களுடைய

கூற்றிலிருந்து தாங்கள் இன்னும் சந்திரவதனா வை படிக்க வில்லை என்று தெரிகிறது. தாங்கள் படிக்காத ஒரு நூல் தாக்கத்தை

ஏற்படுத்தாது என்று கூறியிருப்பது மேலும் மேலும் வியக்க வைக்கிறது.

          நான் மீண்டும் மீண்டும் சொல்கிறன் என் குருஜி அவர்களே!! அரசர்களின் வரலாற்றுடன் கற்பனைகள் கலந்து எழுதப்பட்ட சரித்திர

நாவல்களை போட்டு குழப்பி கொண்டோமெனில் என்னை போன்ற அறிவிலிகள் எல்லாம் தங்களை போன்ற மாபெரும்

எழுத்தாளர்களுடன் இப்படித்தான் விவாதிக்கும் நிலை வந்து விடும். தையை கூர்ந்து சந்திரவதனாவையும் வாங்கி படியுங்கள் என்று

எனது சிரம் தாழ்த்தி வணங்கி கேட்டு கொள்கிறேன்.!!! 

    ஏதேனும் தவாறாக மனம் புண் படும்படி பேசியிருந்தால் பொறுத்தருள்க.. தாங்கள் என்றும் என்னுடை குருஜி தான்.. தொடர்ந்து

நல்லாதரவு தரவேண்டும். என்றும் நட்புடன் ராஜ்குட்டி காதலன்.

எந்த ஒரு படைப்பும் குறைந்த பட்சம் ஒரு வாரகாலமாவது தாக்கத்தை வைத்திருக்கும் என்று உதாரணத்திற்கு கூறியதால் எனக்கும் அதே தாக்கம் தான் இருந்தது என்று எண்ணி கொள்ள வேண்டாம்........ நிச்சயமாக இணை கற்பிக்க இயலாத நூல்தான் பொன்னியின் செல்வன். அதில் மாற்று கருத்து எனக்கு இல்லை. உதாரணத்திற்கு உங்களுடைய நெசமாத்தான் சொல்றீங்களா படிச்சு முடிச்ச அன்னைக்கு காதல் படத்தோட" எங்கே நான் போனாலும்" அப்டின்னு தொடங்குற பாடலை எதேச்சயாக கேக்க நேர்ந்தது அந்த பாடலின் வலி மிகுந்த வரிகளுடன் நான் சாந்தனின் வலியை ஒப்பிட்டு கொண்டேன் அதனால் அந்த பாடலை இன்று கேட்டாலும் எனக்கு சாந்தன் நினைவில் வந்து கண்களை குளமாக்கி விடுவான்.

  சாந்தன் எனக்குள் இப்படி ஒரு தாக்கத்தை ஏற்படுத்த காரணம் அவன் ஈழ தமிழன் என்ற காரணம் இருந்தாலும் அதிகபட்சமான காரணம் அவனது விட்டு கொடுக்காத காதல்தான்.

அதே போலதான் சந்திரவதனாவிலும் காதலின் வலியை கண்கள் கலங்க ஆசிரியர் கூறி இருப்பார். 

ஈழம் காரணமாக உங்களக்கு இருக்கும் தாக்கம் எனக்கு பிரமிப்பை உருவாக்குகிறது குருஜி.!!!

அதற்காக நான் ஈழத்திற்கு எதிரானவன் என்று கருதி கொள்ளாதிர்கள்!!!

மொத்தத்தில் "இந்த உலகத்தில் எழுத பட்ட புத்தகங்கள் எதுவும் கெட்ட புத்தகம் இல்லை" என்ற பொன்மொழியுடன் இந்த விவாதத்திற்கு ஒரு முற்று புள்ளி வைப்போம்.

எனக்காக சந்திரவதானாவையும் படியுங்கள் குருஜி!!

திரு சீனிவாசன் அவர்களுக்கு,

                                        சரிதான் நண்பரே! நானும் இந்த விவாததிற்கு எப்பொழுதோ முற்று புள்ளி வைத்துவிட்டேன். என்னிடம் நான்கு பாகங்களும் புத்தக 

வடிவில்தான் இருக்கின்றன. நண்பர் ரோதிஸ் அவர்கள் கூறியதை வேண்டுமானால் முயற்சியுங்கள்.

புத்தகத்தை பதிப்பித்த பதிப்பகம் கலைஞன் பதிப்பகம்.  அதன் முகவரி கீழே கொடுக்கிறேன் இதிலும் முயற்சி செய்யுங்கள்

கலைஞன் பதிப்பகம்,

10,கண்ணதாசன் சாலை 

தியாகராய நகர் 

சென்னை -600 017

கடந்த ஆறு மாதங்களாக நான் படித்து கொண்டு இருப்பது "அஞ்ஞாடி", சாஹித்ய அகாடமி விருது பெற்ற ஆயிரம் பக்கங்களை கொண்ட புதினம். நூறு வருடங்களுக்கு முந்தைய தமிழகம் கண் முன்னே விரியும் போது ஆச்சரியம் அப்படியே ஆளை அள்ளி கொண்டு போகும் சூப்பர் அனுபவம்.

எக்கச்சக்கமான சுஜாதா நாவல்கள் கட்டுரைகள். எதை படிக்காமல் மிஸ் பண்ணி இருக்கிறேன் என்று தெரியவில்லை. முதன்முதலாக நான் படித்தது தினமணி கதிரில் வெளியான அவருடைய தொடர் "சிலிக்கன் சில்லு புரட்சி". எலக்ட்ரானிக்ஸ்  பற்றிய தூண்டுதலை அந்த பள்ளி வயதில் தோற்றுவித்தது. பிறகு என் இனிய இயந்திரா, மீண்டும் ஜீனோ, பேசும் பொம்மைகள், ஸ்ரீரங்கத்து தேவதைகள், பிரிவோம் சந்திப்போம், இன்னும் நிறைய.

ஸ்டெல்லா ப்ரூஸ், ஒரு மாபெரும் படைப்பாளி. தனி மனித உணர்வுகளின் போராட்டங்களை அழகு குறையாமல் எழுத்துக்களில் வார்த்தெடுத்தவர். ஒரு முறை தான் பூக்கும், அது ஒரு நிலா காலம், மீண்டும் அந்த ஞாபகங்கள், அது வேறு மழைக்காலம். இவற்றை நீங்கள் தற்போது ஆன் லைனிலும் காணலாம். கூகுளில் தேடுங்கள்.

கல்கி, தி ஜா, அகிலன், சாண்டில்யன், பாலகுமாரன், எஸ். ராமகிருஷ்ணன், சுபா. - இன்னும் நிறைய பட்டியலில் இருக்கிறது.